簡慕華自爆昔日TVB遭同行男子性騷擾 「鹹豬手」與「跟上房」屬同一人 拒揭身分:佢已經唔喺度

Yahoo娛樂圈

Yahoo娛樂圈

前無綫藝人簡慕華,昨日(17日)以股東身份現身黃埔,出席佔地約10萬平方呎的多功能大型運動中心場地租賃簽約儀式。除宣布說服老公打本近投資體育生意、預告中心將於明年4月開業外,簡慕華受訪時更就昔日拍旅遊節目遭「伸手入褲」及被男方企圖跟上房的恐怖經歷,以及日前在社交平台深夜上載「暗黑落淚照」的背後真相。

影片由魔方全媒提供

簡慕華今年6月擔任伍詠薇網台節目《九運會客室》嘉賓時,曾驚爆多年前效力TVB期間,隨隊出海拍攝節目時遭同行男子性騷擾,不但被對方無故將手「攝入腰間」,當晚她藉詞返回酒店房間休息時,對方更聯同另一男子護送並企圖跟隨入房。昨日再被追問該宗駭人往事,簡慕華大方證實「鹹豬手」與「跟上房」實屬同一宗事件及同一人所為,並還原當時對方企圖跟上房的猖獗行徑:「我話我想上房走啦,唔再喺度玩,佢就想跟我上房咁嘅意思,都狼㗎!」

簡慕華自爆昔日TVB遭同行男子性騷擾 「鹹豬手」與「跟上房」屬同一人 拒揭身分:佢已經唔喺度
簡慕華自爆昔日TVB遭同行男子性騷擾 「鹹豬手」與「跟上房」屬同一人 拒揭身分:佢已經唔喺度

至於外界一直揣測涉事男主角的真正身分,簡慕華則拒絕開名:「呢個就唔講啦,唔需要知啦,嗰個係邊個又冇關係嘅我覺得,我可以講(大家)接觸唔到㗎啦,已經唔喺度啦!只不過不論佢係邊一個都好啦,我講出嚟係想畀啲後輩知道,唔好話淨係呢行,邊一行都會有,就算你咩年紀都會有機會遇到,你要諗下點應對。」

簡慕華自爆昔日TVB遭同行男子性騷擾 「鹹豬手」與「跟上房」屬同一人 拒揭身分:佢已經唔喺度
簡慕華自爆昔日TVB遭同行男子性騷擾 「鹹豬手」與「跟上房」屬同一人 拒揭身分:佢已經唔喺度

除了重提舊事,簡慕華日前在社交平台深夜突晒出一張在黑暗環境中淚流滿面的自拍照,一度令大批網民及圈中好友誤以為她婚姻或情緒亮紅燈。昨日她親自解畫,笑言完全是場「美麗的誤會」,全因近期迷上新興運動匹克球(Pickleball)並打至走火入魔。簡慕華透露早前在一場比賽中因表現失準連累隊友輸波,令她感到極度內疚與自責,更因此「爆喊」兼低落足足三日:「我對自己要求太高,但我能力未做到,當你累到自己啲隊友輸波,或者個比賽因為你輸咗,我就超級唔開心,可以唔開心咗三日,直情成個人好似跌咗落個垃圾桶咁!」

Source link

Leave a Reply

Your email address will not be published. Required fields are marked *